Шымкенттің 9-шы мектеп-лицейін үздік аттестатқа бітіріп, Ұлттық біріңғай тестілеуден 120 балл жинаған жас түлек Жасмин Қуанышқызы мемлекеттік грантқа түскендер қатарына белгісіз себеппен кірмей қалған. М.Әуезов атындағы Оңтүстік Қазақстан университетінің қабылдау комиссиясына дереу барғанда техникалық маман оның тестілеу нәтижесіндегі 120 баллын емес, алдыңғы тапсырған 107 баллын базаға енгізіп жібергені анықталған. Соның кесірінен үміткер гранттан қағылыпты. Мұндай мәселе шешіле ме? Ерлан Қуандық айтып берсе. 9 бен 11-ші сыныпты да қызыл аттестатқа бітірген Жасмин Тастан тестілеуге үлкен дайындықпен барғанын айтады. Алдыңғысы 107 болғанымен, дайындығын күшейтіп кейінгісінде 120 баллға алыпты. Ата-анасы мен туыстарының қуанышында шек болмаған. Алайда мемлекеттік грант иегерлерінің тізімінен қыздың есімін көре алмағанда, қуаныштары су сепкендей басылған. РЫСКҮЛ ЖҰМАБЕКҚЫЗЫ, Үміткер Тастан Жасминнің әпкесі: – Андағы хатшы мойындап отыр менен қате кетті дейді. Бірақ сол қателіктің арқасында мына қыздың тағдыры не болады?! Баланың тағдыры ойыншық болды ма сонда?! Өз-өзіне бірдеме жасап қоюы мүмкін түнімен қараңыздар деді. Түнімен ұйықтамаймыз. Қорып отырмыз мына қызды шынын айтқанда. Қорқамыз өзіне бірдеңе істеп қояды ма деп. Барлық үміткердің аттестатының түпнұсқасын жинаған жауапты маман Жасминнен тек қана көшірмесін алды дейді. Неге түпнұсқасын алмайсыз деп шу шығарған соң ғана қабылдағанын айтады. Ескертуімізді жақтырмаған ол жоғары көрсеткішті әдейі назарға алмады деп топшылайды Жасминнің анасы. Бірақ шағым иелері қателік жіберген маманды бүгін қызмет орнынан іздеп таба алмады. Қабылдау комиссиясындағылар техникалық маманнның қате жібергенін толықтай мойындайді. Жұмыстан шығарылады деген сөз болмаған деді. Комиссияда жұмыс ауқымы көп. 6 мың балаға дейін құжат қабылданады. Сондықтан жұмыс барысында жіберілген адами қателік деп отыр. МҰРАТ АЙТӨРЕЕВ, М.Әуезов атындағы Оңтүстік Қазақстан университетінің қабылдау комиссиясының жауапты хатшысы: – Тәртіптік кеңесте қаралып, бірінші рет болғандықтан «сөгіс» беріліп отыр. Ары қарай мысалы тағы да кемшіліктер ұйымдастырса, яғни келесі этаптан өтеді ғой тағы да «қатаң сөгіс» деген сияқты. Қазір бір дегеннен ол кісіні жұмыстан шығарған жоқ. Жағдайды естіген бойда Жасминнің туыстары министрлікке де, бас прокуратураға да арыз беріп, Президентке үндеу жасаған. Одан өзге университет өз тарапынан ғылым және жоғары білім министрлігіне хат түсіріпті. Бүгін кешке біздің арнаға да, Жасминнің өзіне де «Жасмин Қуанышқызына Сүлеймен Демирел атындағы универиситетке грант бөлінеді және жатақхана беріледі» деген жауап келді. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #информбюро #басты_жаңалықтар
