Пайгамбарыбыз савдын “Мен Рахмандын жыттын Йемен жактан искеп жатам!” деген хадиси бизди бүгүн Йеменди көздөй сапар алдыртмакчы. Дагы бир башка хадисинде “Табииндин эң жакшылаары Увайс деген бир адам. Анын болгону бир апасы бар. Увайс ала оорусуна кабылып, Аллахтан шыпаа сурагандан кийин алаканында тыйындай гана ак так калган. Ага жоолуксаңар, силер үчүн да истигфар кылуусун сурангыла!” деп буйруган. Ушул шарапаттуу хадистер көңүлүбүздү Вайсал Каранийге бурду. Анын көөдөнүндөгү Түбөлүктүү Затка жана Анын Элчисине болгон сүйүүсү да түбөлүктөшүп, бизге чейин келип отурат. Арийне, бизге чейин жазылгандар да бүгүнкү жазганыбыз да сүйүүнүн ушул булагынан оргуштап чыгууда. Макул Вайсал ким? Ал кандай адам? Аны канчалык тааныйбыз? Каерде, кантип жашады? Анын сүйүүсүнүн жыты Пайгамбарыбыз савга чейин жетип баргыдай, анын башынан кандай сүйүү өткөн эле? Буларды сөз менен жетишинче сүрөттөп, ачып берүү мүмкүн эмес. Анткени мында акылдык пикирлер эмес тилге келбес ашыктык сезимдер өкүм сүрөт. Биз дагы сиздер менен ашыктык жолуна түшөбүз бүгүн.
