Үшбұрыштың ауданының негізгі 5 формуласы | Планиметрия. Математика | Альсейтов Амангельды Гумарович атты бейнеролик. Бұл бейнероликте үшбұрыштың ауданының негізгі 5 формуласы қарастырылады. Бұл 5 формула кез келген үшбұрыштың ауданын есептеу үшін қолданылады. Үшбұрыш планиметрияның, жалпы геометрияның негізгі фигураларының бірі болып табылады. Кез келген көпбұрышты диагональдарын жүргізу арқылы үшбұрыштарға бөліп тастауға болады; үшбұрышты призманың екі табаны да үшбұрыштар, үшбұрышты пирамиданың табандары үшбұрыштар, кез келген пирамиданың бүйір жақтары үшбұрыштар. Сондықтан, үшбұрыштың ауданын есептеуді білсек, онда кез келген көпбұрыштың ауданын, үшбұрышты призма мен пирамиданың табандарының аудандарын, кез келген пирамиданың бүйір жақтары мен бүйір беттерінің аудандарын есептеу жеңіл болады. Бейнероликте үшбұрыштың екі анықтамасы келтіріледі және мектеп бағдарламасына сай стандартты белгілеулер қолданылады. Тақырыпқа сәйкес басқа да анықтамалар, тұжырымдар, қасиеттер мен формулалар келтіріледі. Мектеп бағдарламасына сай жалпы үшбұрыштың ауданын есептеуге арналған 5 негізгі формулалар төмендегідей: 02:39 1) Үшбұрыштың ауданы - табаны мен оған түсірілген биіктік арқылы; 06:58 2) Үшбұрыштың ауданы - екі қабырғасы мен бір бұрышының синусы арқылы; 10:10 3) Үшбұрыштың ауданы - үш қабырғасы арқылы (Герон формуласы); 12:34 4) Үшбұрыштың ауданы - оған сырттай сызылған шеңбер радиусы арқылы; 14:12 5) Үшбұрыштың ауданы - оған іштей сызылған шеңбер радиусы арқылы. Бұл формулаларды білу және орнымен қолдана алу - геометрияны әрі қарай тереңірек меңгеруде үлкен рөл атқарады. ӘЛЕУМЕТТІК ЖЕЛІДЕ БІЗДІ ТАБА АЛАСЫЗДАР: ВКонтакте:
https://vk.com/aman_alseitov ВКонтакте:
https://vk.com/mathematicural Инстаграм: / alseitov_matematika Сәламатсыз ба! Менің аты-жөнім Альсейтов Амангельды Гумарович. Математика пәнінің оқытушысымын, кәсіби репетитормын. Менің ютуб-каналымда математика мен математикалық сауаттылықтан бейнероликтер жарияланып отыратын болады. Олармен таныс болу үшін менің ютуб-каналыма жазылыңыз! #Альсейтов #АмангельдыГумарович #ҮшбұрыштыңАуданыныңНегізгі5Формуласы #АльсейтовБілімБеруОрталығы #математика #ұбт #тест #емтихан #ҮшбұрыштыңАуданы #формула #есеп #ГеронФормуласы #education #educationalvideo
