Декреттік демалыстан ерте шыққан анаға жәрдемақы берілмейді

Арнаға тіркел / Подпишись на канал:    / @thesevennews   Әлеуметтік төлем әлде қосымша табыс па? Биыл декреттік демалыстан ерте шыққан бес адам бала күтіміне берілетін жәрдемақыдан қағылды. Өйткені енді декреттегі аналар еңбекақы алса, әлеуметтік төлем алмайды. Бұл ереже қашан қолданысқа енгізілді? Таңшолпан Орынтай бала күтіміне байланысты қазір декрет демалысында. Тұңғышы 3 жасқа толмайынша жұмысқа шықпайтынын айтады. Себебі,қосымша табыс табатын болса, мемлекеттік жәрдемақыдан қағылатынын біледі. ТАҢШОЛПАН ОРЫНТАЙ, ҚАЛА ТҰРҒЫНЫ: Мен өзім мемлекеттік жұмыста болғаннан кейін, басқа жұмыста істеуге мүмкіндігім жоқ. Менің жұмысым оған мүмкіндік бермейді. Сол себепті жолдасымның бір айлығына қарап отырмын. Мысалы, мен қазір жұмыс істемеймін, менде табыс көзі жоқ. Берешегім бар, несием бар, пәтерақым бар. Сондықтан ол дұрыс емес деп ойлаймын. Соңғы кездері декреттік төлем мәселесі қоғамда қызу пікірталас тудырғаны рас. Сақтандыру талаптарына сәйкес, мемлекеттік жәрдемақы бала 1,5 жасқа толғанға дейін беріледі. Бала күтіміне байланысты үйде отырған келіншектерге жалақының 40% өтеледі. Ал декреттік демалыстан ерте шығып, жұмысқа тұрғандарға әлеуметтік төлем тоқтатылады. ДИНА БАЕГІЗОВА, ӘЛЕУЕМТТІК САҚТАНДЫРУ ҚОРЫ ДЕПАРТАМЕНТІНІҢ ДИРЕКТОРЫ: Бұл норма 2023 жылы қолданысқа енгізілді. Декреттегі адам қосымша тапқысы келсе, 10 жұмыс күні аралығында құзырлы органдарды хабардар етуге міндетті. Жауапкершілік әлеуметтік төлемақы алушыға жүктелген. Әзірге біз барлық төлемді нақты жүйе арқылы қадағалап жатқан жоқпыз. Демек, декреттегі аналар қосымша табысы туралы есеп бермесе, бұл заңбұзушылыққа жатады. Мұндай жағдайда сақтандыру қоры заңсыз алынған барлық төлемді қайтаруды талап етуге құқылы. ИНАРА БАРСАҚБАЕВА, ТІЛШІ: Биыл декреттік демалыстан жұмысқа ерте шыққан бес келіншекке әлеуметтік төлем тоқтатылған. Олар өтінішті өз еркімен берген. Мамандардың мәліметінше, былтыр 277 мың ата-анаға бала күтіміне байланысты жәрдемақы тағайындалды. Оның шамамен 9% мемлекеттік қолдаудан бөлек, қосымша табыс тауып отыр. Әлеуметтік сақтандыру қоры барлық төлем бойынша мониторинг жүргізіліп жатқанын мәлімдеді. --------------------------------------------- Официальный сайт «Седьмого канала»
Instagram:   / tv7_kz   TikTok:   / tv7_kz   Facebook:   / tv7kz   Telegram:
#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал