Дархан Рахымбеков адам өлтіріп, қапасқа 18 жасында қамалды. Биыл орда бұзар отызын абақтыда қарсы алды. Семейдің тумасы колонияның ішінде жүріп, мерзіміне мерзім қосып алды. Айтуынша, оның күйзеліске түскен сәтін деструктивті діни ағым өкілдері оңтайлы пайдаланған көрінеді. Қамқорлық танытқан болып, колония әкімшілігіне қарсы айдап салыпты. Қазір Дархан есін жиып, теологтармен жұмыс істеп жатыр.
