Ысырапкорчулуктан алыстаткан кол өнөрчүлүктүн бир турү курак. Курак бул кездеменин өөнүнөн кураштырылган буюм. Адан төшөк, туш кийиз, кичинекей жаздыкчалар, көшөгө, дасторкон, кашык кап, күзгү кап, чай туткуч өңдүү буюмдар жазалат. Илгери курактын аттарына жараша айырмалашкан. Мисалы: “турна көчөт” деген курак жаздыкка же келиндин көшөгөсүнө түшүрүлсө, тескерисинче жерге салынуучу курак төшөккө ал көчөт түшүрүлгөн эмес. Бүгүн курак ыкмасы менен жазалгаланган багыттар мезгилдин учкул талабына жараша өзгөрүүлөргө ээ болууда. Курактын «каттама курак», «айырма курак», «бөрү көз курак», «турна курак», «каркыра курак» сыяктуулары бар. Уздардын кылдаттыгын сынаган түрү «кунаба курак» болуп саналат. Азыр чеберлердин изденүүсүнө жана фантазиясына жараша курактын түрлорү көбөйүүдө.