“Чанга эр 2” Итгэлд цөөнгүй залуусаа хөнөөлгөөд зогсохгүй өөрөө баригдаж дөрвөн мөчөө боодогны ямаа адил холбуулж хүлүүлээд духандаа буу тулгуулж амь гуйхаас наах нь айж бүлтэлзэн, хулчгар банди шиг үнэн арчаагүй дорой байдалд орсон өнөөх Луу, туранхай хавчиг цээжиндээ багтаж ядсан асар их өшөө хорсол тээгээд хоцорчээ. Хэд хэдэн улс дамнуулж хар тамхи, хүний наймаа гээд аль муу муухай нүгэл бүхнийг хийж, харгис хэрцгий үйлээрээ өрсөлдөгч нарынхаа зүрхэнд шар ус хуртал битүүхэн айлгаж явдаг, бусдын өмнө бөхөлзөж үзээгүй томоохон гэмт бүлгийн толгойлогч омог бардам Луугийн хувьд бусдад дөрвөн мөчөө хүлүүлж тэгж их бэмбэгнэтлээ айна гэдэг бол мапийн бохир ертөнцөд зартай хирцгий догшин нэр сүрийг нь шалдаа буутал нь сэвтээсэн байж боломгүй ичгүүртэй гутамшигт явдал билээ. Тэрээр өмнө нь тийм арчаагүй дорой байдалд орж байсан түүх ганц ч үгүй бөгөөд харин ч өөрт нь заналхийлсэн, өөрийг нь гомдоож хорсгосон, өөрийнх нь эсрэг боссон бүхнийг ямар ч эргэлзэгүй шууд л хөнөөсөөр ирсэн. Одоо ч хөнөөж байгаа бөгөөд заримыг нь бүр гэр бүлтэй нь хамтад нь хүйс тэмтэрдэг маш харгис нэгэн билээ. Энэ удаа тэрээр хорхойд идэгдсэн өмхий араандаа Итгэлийн гэр бүлийг хэзээ ч тавихааргүй маш заналтай чанга зуужээ. Тэрээр “Тэр муу Итгэлийг газрын хаанаас ч хамаагүй олж хөнөөгөөд эхнэр, охин хоёрыг нь заавал эд эрхтний доннор болгож зарна” гэж өөртөө хатуу тангараглажээ. Тэгээд халаасныхаа хэдэн цагдаа нар руу залгаж хотоос гардаг бүх замын хяналтын камерыг шалгуулж, Итгэлийг аль чиглэл рүү зугтсаныг мэдмэгцээ Ма тэргүүтэй хориод алуурчин нохдоо түүний араас нэн даруй нэхүүлсэн аж. Тэдгээр алуурчин хориод залуус хоёр хуваагдаж Ма, Болд, Ван нарын нийт харгис арван ноход Эрээн рүү зүглэж, үлдсэн нь Бээжин рүү хадууран давхин оджээ. Бас Бээжин, Эрээн хоёрт буй нохдынхоо толгойлогч нартай яаралтай холбогдож, уг хотуудад байрлах Монголын консул, элчингийн байр болоод тус хоёр хот руу орох замд отолт хийхийг тушаажээ. Ингэснээр тэрээр, Эрээн руу орох зорилготой яваа Итгэлийг дахиад л маш хүнд байдалд оруулж дөнгөв. Итгэл дахиад л эхнэр, охин хоёроо харгис алуурчдын хар саварт алдах, эсэхээ, бас өөрөө амьд үлдэх, үгүйгээ шийдэх цус асгаруулсан, хүч тэнцвэргүй ээлжит нэгэн аймшигт туланд орох нь эргэлзээгүй болжээ. Зохиолчийн хаяг:
https://www.facebook.com/profile.php?... Хэрвээ та илүү ихийг сонсохыг хүсвэл биднийг дагаарай. / @artuzo Анхаарал тавьсан та бүхэнд Баярлалаа😉
