Проф. Шишовски: Во системот на безвредности луѓето се борат за гол живот преку лојалност

➡За мене е проблематично што се тргува со луѓето како да се некаква стока што треба да се разменува за некакви кредити и во таа смисла е многу проблематично. И конечно, проблемот на масовната имиграција е проблем на западните земји коишто самите си го направија и сега сакаат да го решат и да го претурат кај другите земји. Ние ниту сме избрале миграција, ниту пак имаме капацитет. ➡За жал, ние 30 години не успеавме да изградиме соодветно владеење на правото. И кога имате систем на безвредности, значи систем во кој правилата важат само за послабите, а за оние што се поврзани не важат правилата, тогаш имаме систем на нееднаквост и тогаш луѓето се ставени во некаква примарна состојба, во состојба на борба за голиот живот. Тоа создава еден систем на клиентелизам и на антидемократски вредности. ➡Кога гледаме општество на силен лидер којшто удира на маса Путин во Русија, Ердоган во Турција, Ши во Кина, тоа е израз дека општеството е слабо, дека институциите не функционираат. Така што ова не е уникатен проблем за нас, ова е сеопшта човечка состојба. ➡Секој пат кога ќе му пресечеме некому пат на улица, кога ќе се пикнеме „само да прашам“ преку ред ние го кршиме системот. ➡Кога ги гледаме историите на градовите после Втората светска војна, на пример Лондон и Берлин, тие биле фавели посебно на почетокот на индустријализацијата. Скоро во ниеден случај не гледаме спасител којшто доаѓа и ги решава сите проблеми. Секогаш гледаме будење, јавна свест, граѓаните се будат и почнуваат да се бунтуваат. ➡Врз основа на своето право на град, граѓаните имаат право да влезат во институциите и да бараат подобар урбанистички план, вели професор Шишовски.