ӨӨРИЙН ГЭСЭН ӨРӨӨ: Дөрвөн арвайт брэндийг үүсгэн байгуулагч, гэвш лам Т.Тулга

"Өөрийн гэсэн өрөө"⏰ Үзэл бодлоо хуваалцъя, соёл түгээе уриатай “Өөрийн гэсэн өрөө” контентын анхны зочин “Дөрвөн арвайт” брэндийн үүсгэн байгуулагч Д.Тулга. Монголын бурхан шашинтны төв Гандантэгчэнлин хийдийн “Жүд” дацангийн их умзад лам асан, Залуу хуваргуудын холбооны тэргүүн, гэвш лам гээд олон тодотгол түүнийх. Дэрэвгэр хормой, сүрлэг нударга, Улаанбаатарын өөр хаана ч байхгүй өнгө, загвар бүхий торго, эсгүүр тэргүүтэн бол Дөрвөн арвайтын гол ялгарах имиж. Эл имиж судалгаан дээр тэгэх тусмаа гэвш ламын философи, үзэл санаанаас урган гарсан аж. Зүгээр нэг имиж, донж маяг ч биш цаанаа монгол үндэстний хувцас соёл, амьдрах соёл философийг нэвт шингээжээ. Товчхондоо гэвш лам яагаад бизнес эрхлэх болсон, тэрхүү бизнесийнх нь үзэл санаа, зорилго, мөн чанар юу болох түүнчлэн түүний Буддын шашны талаарх үзэл бодол, байр суурийн талаар бид ярилцлаа.