"МЕРЕКЕ ҚАРСАҢЫДА АУДАН ӘКІМІ С.МАМЫТОВТЫҢ ҰЙЫМДАСТЫРҒАН АТ БӘЙГЕСІ".ЖАМБЫЛ ОБЛ.САРЫСУ АУД.01.05.25.

ЖАМБЫЛ ОБЛЫСЫ, САРЫСУ АУДАНЫ. 1 мамыр – Қазақстан халқының бірлігі күніне орай, Байқадам ауылдық округіндегі атшабарда ат тұяғын дүбірлеткен кең көлемді "Құнан" және "Аламан" бәйге жарысынан Сарысу ауданы әкімінің кубогі өткізілді. Қызықты да тартымды өткен жарысқа Қарағанды, Жамбыл және Түркістан облыстарынан шабандоздар қатысты. "Құнан бәйге" жарысына 15 тай қатысып, 9 шақырымда бақтарын сынаса, "Аламан бәйге" жарысына 16 ат қатысып, 18 шақырымды бағындырды. Шын жүйріктер сыналған сайыс қорытындысы бойынша "Құнан" бәйгесінде 1-ші орынды Шымкент қаласынан Бейсенбай Серік , 2-ші орынды Жаңаталап ауылынан Сұлтанбек Әуесбек, 3-ші орынды Жайылма ауылынан Каримжан Нұрман, 4- ші орынды тағы жайылмалық Мұстафаев Дархан және 5 - ші орынды Талас ауданы, Бөлтірік шешен ауылынан келген Ақылов Дәурен иеленді. Аламан бәйгеден 1-ші орынды Ермекбаевтар әулеті Т.Рысқұлов ауданы, Жалпақсаз ауылы, 2-ші орынды Нұрсейітов Айтжан Созақ ауданы, Шолаққорған ауылы, 3-ші орынды Бейсенбай Серік Шымкент қаласы, 4 - ші орынды Мырзақұл Дінмұхаммед Талас ауданы, Аққұм ауылы және 5 - ші орынды Сейдуақұлов Сәбитжан Т.Рысқұлов ауданы, Жарлысу ауылының шабандоздары қанжығаларына байлады. Аудан әкімі Сәкен Үмбетұлы жеңімпаздарды дипломдармен марапаттап, арнайы кубок, медальдар мен бағалы сыйлықтар тапсырды. Жүзден жүйрік шыққан шабандоздарға "Сарысу ауданы әкімінің кубогі - 2025" деп жазылған аттың жабындысын тапсырды.