Ниет болса кез келген мәселені шешуге болады. Елдегі бай-бағландардың бастамаған ісін Шымкенттік азамат қолына алды. Маңғыстау облысында қуаңшылықтан көтерем болған малды құтқару үшін шымкенттік тұрғын жем-шөп әзірлеп жатыр. Құрмет Талапқазы екі аптадан бері Түркістан облысы Сарыағаш ауданының шөбін орып, жұт жайлаған өңірге жөнелту үшін бір өзі 60 мың бума шөп әзірлеп қойыпты. Алғашқыда шалғы орақпен бастаған Құрмет кейін моторлы құрылғының көмегімен шабындықты шаршамастан шауып жатыр. Жақын маңдағы ауыл-ауылдан қол ұшын беріп жатқан жігіттер де бар. Дегенмен, тасымал кезінде біраз қол күші керек дейді. Қуаңшылықтан қиналып жатқан елге көмекті алғашқы болып бастаған азаматқа Шардара, Мақтаарал аудандарынан да хабарласып, өздері жинаған бума шөпті беруге дайын екендіктерін жеткізген. Тіпті, Алматы, Шығыс Қазақстан облыстарынан да қолдау көрсетуге ниет білдірген. Осылайша, мал азығынан таршылық көрген Маңғыстау өңіріне әзірге тек қара халық көмек беріп жатыр. Құрметтің айтуынша, қазір біраз отбасы өз жағдайына қарай 5000 теңге аралығында қаржы беріп, 2 миллионнан астам ақша жинап қойыпты. Бұл қаражат енді теміржол тасымалына жұмсалады. Вагон иелері де батысқа көмек деп, тасымалдың өзіндік құнынан 40 пайыздық жеңілдік жасапты. Бірақ соның өзінде шөпті жеткізуге қаражат жеткіліксіз. Әзірге 6 вагон шөп дайын тұр. Оның әрқайсының тасымал құны 380 мың теңге болады екен. ҚҰРМЕТ ТАЛАПҚАЗЫ: – Қазығұрт, Темірлан барлығынан шөп келеді. Камаз мәселесі және тасымал, мына теміржол мәселесі бізге өте қиын болып жатыр. Мына бизнесмен кейбір кәсіпкер ағалар өздері көмектеспей жатыр ма білмеймін, кәсіпкерлерден ақша жиналған, бізге береміз деген, бірақ + бізге ақша түскен жоқ. Қарапайым халықтан ақша түсіп жатыр. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #ҚұрметТалапқазы #қайырымдылық #БізБіргеміз
