Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
35 жасқа толған туған күніме досым телескоп сыйлаған. Досым Жеңіс Астанаға менен бұрын келген, сосын оған еріп мен де келдім. Мен елордаға келгелі міне 8 жылдың жүзі болды. Жағалау жақтан пәтерлі болғаныма да 5-6 жыл енді болды. Жеңістің әйелінің аты Алина, өзі өте сұлу. Біз, бір-бірімізбен отбасы боп араласамыз, біз қонаққа барамыз, олар бізге келеді. Менің пәтерім 11 қабатта, шетте орналасқан. Содан сыйға келген телескоп көптен бері балконда орын алып босқа тұрды. Бір күні жұмыста отырып интернеттен «Бүгін айдың тұтылуы 5\1 бөлігін құрайды» деген ақпаратты көріп, үйге барып телескоппен қарап көрейін деп ойладым. Кешкісін балконға штатив орнатып, телескопты дайындадым. Қараңғы түсті, толған айдың үлкен сары бейнесі көкжиектің ар жағынан жорғалап шығып, біздің көшеге параллель екі көше ары жатқан жаңа салынған ЖКаның төбесінде жарқырап тұрды. Мен телескопқа үңіліп реттеу тұтқаларын бұрай бастадым. Телескоп штативке мықтап бекітілмеген екен бір орында тұрмай, төмен қарай сырғып кете берді. Мен телескопты айға қарай бағыттамақ боп жатқанда екі көше арыдағы жаңа ЖКа терезелеріне қарай бағытталып кетті.
