Уншигч подкаст #1 | Дайн бол бүхний ДАЙСАН.

Монсудар хэвлэлийн газраас толилуулж буй “Уншигч” подкастынхаа анхны дугаарт Германы нэрт зохиолч Эрих Мариа Ремаркын “Баруун фронтод байдал хэвээр” номыг онцолж байна. Дугаарын зочноор тус номын болоод Стефан Цвейгийн “Шатрын тууж”, Эрих Кэстнерийн “Эмили ба мөрдөгчид” зэрэг олон бүтээлийг герман хэлээс дуун хөрвүүлсэн Н.Лувсандорж оролцлоо. Тус зохиол нь дайны ялалт, баатарлаг байлдааныг бус харин жирийн залуус дайнд хэрхэн “амиа алдаж”, тэдний бие сэтгэл, амьдрал дайнаар хэрхэн сүйдэж буйг өгүүлснээрээ онцлог. Дайн хүний баатарлаг төсөөлөл, хүсэл мөрөөдлийг үгүй хийж, зөвхөн амьд үлдэхийн төлөөх тэмцэл болгон хувиргадаг.