Талдықорған қаласының қысқы күтіміне дайындық тексерілді

Күздің соңғы демі - қыс мезгілі таяп келеді. Сондықтан алдағы маусымға қажетті техника сақадай сай болуы тиіс. Бүгін Талдықорған қаласының қысқы күтіміне жауапты мердігер компаниялардың дайындығы тексерілді. Қала көшелеріне 4 серіктестік жауапты болса, саябақтар мен скверлерге 6 мердігер жауапты. Қар тазалау жұмыстарына 200 ге жуық техника үздіксіз жұмыс жасауға дайын. Сондай-ақ 300 ден астам адам жұмысқа жұмылдырмақ. Қала басшысы мердігерлерге барлық аймақ пен қоғамды орындар және жаяу жүргіншілерге арналған жолақтарды жақсылап тазалауды тапсырды. Себебі тұрғындардың жүріп тұруына ыңғайлы болу керек дейді. Осы мәселеге қатысты өткен жыл шағымдар болғанын айтты. Әсіресе шеткі аудандар назардан тыс қалмау керек. Сонымен қатар қар тазалау жұмыстары кезінде қауіпсіздікті қамтамасыз ету мақсатында алты экипаж полиция қызметкерлері жұмылдырылмақ.