Акын Тазагүл Закированын сөзүнө жазылган обончу Мамаибраим Бостонкуловдун "Кусалык" аттуу ырын Жыпар Нуракова аткарат. Өттү күндөр кубалашкан көпөлөк, Жытын искеп өрөөн толгон гүлдөрдүн. Өттү баары, ээлеп ордун кусалык, Ал тарапта жалгыз калдың сен өзүң. Өттү жаштык өз күчүнө ишенген, Текеберлик издеп, жалаң чындыкты. Турмуш бийлеп кезектеги жашоодо, Сүйүп кеттиң кара тору бир кызды, Өрөөн алыс, гүлгө толгон жапжашыл, Көпөлөктөр учпай калды кышында. Чачта буурул, токтолгонбуз биз азыр, Макул болуп турмуш деген ушуга.
