AМЫЧЧА • АЛГЫС

Слова : АМЫЧЧА Музыка : MENTAl PABUlUM Продюсер: NIKOlAY inc. Режиссёр & Оператор: TAMAN BAIDY 2ой Оператор: SARGYlAN VINOKUROV. Истиҥ! Итии-истиҥ илдьиппин, Мин бу күөх сирэм сирдээҕи сирдьиппин! Ириҥэ иҥмэтин, кир киирбэтин, огдолуйа онолуйан омугум иирбэтин! Сахатын Сирин сирбэтин, бэйэ бэйэтин сэймэктии сиэбэтин, САХА Ол аата номоҕон номохпун! Сомоҕо домохпун! Тостубат тонохпун! Чэмэлис-эмэлис мэлийимэ мэлис, Хоһуун хоһуйуум хомуһунун эгил-тэгил тэлис, Өбүгэм тэтимэ тэлээрэ тэлийдэ, тэлгэһэбэр тэлэһийдэ, тэһитэ тэһийдэ.... Кыстыыр кырыа кыһыҥҥар кыһыыгын-кыыһырыыгын, кырыыскын кыччат, алаһа алааскын таптаа ыччат, Сыраман сырдыгынан, Сыламан сылааһынан, Сыдьаайда, Мин Алгыһым дьайда! Нуоҕайар нуолаҕай ньоллур-ньуолах алах-былах күөх чээлэй чэлгийдэ сылтан сыл сылтах, Абына-табына таһына, айхаллаа айар хайысхам таһыма, Утарылаһыма дьиҥи, сидьиҥи батыһыма! Истиллибэт били Билан да Dan Balan, манна туспа Babylon ылар барыны абылаан, Айыы ыллыгынан , алы гынан абыран, Сүрэх халыҥ халҕанын арынан… Истиҥ! Итии-истиҥ илдьиппин, Мин бу күөх сирэм сирдээҕи сирдьиппин! Ириҥэ иҥмэтин, кир киирбэтин, огдолуйа онолуйан омугум иирбэтин! Сахатын Сирин сирбэтин, бэйэ бэйэтин сэймэктии сиэбэтин, САХА Ол аата номоҕон номохпун! Сомоҕо домохпун! Тостубат тонохпун! Балыйар баламат баттал балай да баллайда, Амарах Аар Айыы Аҕам арай күлүм аллайда, Дабааннары дабайан дайда даллайда, Саламата-саламаата саллайда!!! Айыы айда, Сырдыкка салайда ....