Өлең авторы – Айгүл Сағымбайқызы Өлеңді оқыған – Айгүл Сағымбайқызы Әуен авторы – Дудук «Белгісіз» Бейнематериал авторы – Өңдеген – Бақытжан Бекмұхаммедұлы Айырылдым бүгін Анамнан, Өмірде болған панамнан. Құтқара аламдым-ау, ажалдан, Не күтем енді, жалғаннан? Кешіре гөр мені, кешіре гөр, Ренжітіп алсам байқамай. Әкетті сені, суық көр, Барады-ау көз жас тоқтамай. Жылатты тағы тағдырым, Аямай жығып аяқтан. Басар тау, жоқ қой, барарым, Суық жел соқты-ау, жан-жақтан. Ақтарушы едім сырымды, Өзіңе, жалғыз қалғанда. Жұбатушы едің жанымды, Жылы ернің, әлі маңдайда. Бір талай жасқа келсемде, Мені ойлап талай жыладың. Есімде талай, сен түнде, Мені иіскеп, көрпемді қымтадың. Өкініш, өртеп барады-ау, Ашытып удай, жанымды. Сен үшін уақыт тоқтады-ау, Қиын-ау, басу сағымды. Не үшін керек бұл өмір? Әкетіп жатса, сұр ажал. Болғаны ма бұл өмір, тек көпір? Шіркін-ай, жоқ қой, басқа амал.
