Шаған ауылына газ келді

#qyzylordatv Сырдария ауданы, Шаған ауылының тұрғындары көптен күткен көгілдір отынға қол жеткізді. Облыс әкімі Нұрлыбек Нәлібаев ауылды табиғи газға қосу рәсіміне қатысып, көпшіліктің қуанышына ортақтасты. Шаған – берекесі артып, бірлігі жарасқан ауыл. Мұнда қазір 900-ге жуық отбасы тұрады. Былтыр облыстық және республикалық бюджеттен 2 млрд 600 млн теңге қаржы бөлініп, ауылды газдандыру жұмыстары басталған болатын. Міне, биыл ауқымды жұмыс толығымен аяқталып, газ келді. КЕНШІМКҮЛ ЖАРАСБАЙ – АУЫЛ ТҰРҒЫНЫ // Бұрын шелекті арқалап су таситын едік. Одан да құтылдық. Енді міне, от жағып, күл шығаратын едік шелекпен көмір тасып одан да құтылып жатырмыз. Мұның барлығын ұйымдастырып жатқан ел президентіне рақмет. Үйіміздің іші жып-жылы. Шүкір.// Мемлекет басшысы Үкіметке газ тартылған елді-мекендер санын барынша арттыруға және 1700 шақырым газ желісін жаңғыртуға тиісті тапсырма жүктеген болатын. Бұл өз кезегінде 300 мыңнан астам адамды көгілдір отынмен қамтамасыз етуге мүмкіндік береді. Ал, аймақта 2021 жылдың соңында газдандыру деңгейі 67 пайызды құраса, 2022-2025 жылдар аралығында 63 млрд 600 млн теңгеге 77 жоба жүзеге асырылды. Биыл тағы 15 млрд 700 млн теңге қаржы бөлінді. НҰРЛЫБЕК НӘЛІБАЕВ – ОБЛЫС ӘКІМІ // Жыл аяғына дейін тиісті қаражаттар бөлінетін болады. Осылайша, өңірімізде газдандыру көрсеткіші 83 пайыздан асады. Бүгін сіздермен бірге көптен күткен қуаныштарыңызға ортақ болып, ауыл халқының тұрмыс-тіршілігіне жаңа тыныс беретін табиғи газға қосу сәтіне кәу болудамыз. Бұл мақсатқа бюджеттен 2 млрд 600 млн теңге бөлінді. Биылғы жылы 662 млн теңгеге Н. Ілиясов ауылына газдандыру жұмыстары жүргізілді. Бүгінде ел игілігін көруде. 1 млрд 800 млн теңгеге Ақжарма ауылын газдандыру жұмыстары басталды. Биыл шаған ауылында 8 көше күрделі жөндеуден өткізілді. 2024 жылы ауылды электр желілерімен жабдықтау жұмыстары толығымен аяқталды. Бүгінде 328 млн теңгеге елді мекендегі дәрігерлік амбулатория жөндеу жұмыстары жүргізілуде. Баршаңызды ауылдың табиғи газға қосылуымен шын жүректен құттықтаймын!// Салтанатты шарада ауданның әлеуметтік-экономикалық дамуына үлес қосқан еңбек ардагерлері мен газдандыру жұмыстарын жүргізген мердігер мекеме қызметкерлеріне облыс әкімінің алғыс хаты табысталды. Нұрлыбек Нәлібаев газ қосу рәсімінен соң ауыл ақсақалдарымен кездесіп, өңірде атқарылып жатқан жұмыстарды атап өтіп, алдағы жоспарларымен бөлісті. Сондай-ақ, ауыл тұрғындарының өтініш-тілектеріне құлақ түрді. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv