"Екі езу" сатира театрының актрисасы Қаратаева Гүлсім Кәкімжанқызымен кездесу сұхбаты.

САТИРА ТЕАТРЫНЫҢ АКТРИСАСЫ ГҮЛСІМ ҚАРАТАЕВА 1 сәуір күні Бөгетсай ауылдық мәдениет Үйі @aktobe_ocnt, @bogetsaymadeniet инстаграм парақшалары арқылы Күлкі күніне «Әзілің жарасса» тақырыбында «Екі езу» сатира театрының актрисасы Қаратаева Гүлсім Кәкімжанқызымен онлайн-кездесу сұхбаты өткізілді. Сұхбат басы актрисаның өнердегі, өмірдегі жаңалықтарымен бастау алды. Бес жыл демалыстан кейін сахнаға қайта оралған Гүлсім Қаратаева өнер жолын театрдың алғаш құрылған кезеңінен бастап қазірге дейін сомдаған рөлдеріне баға беріп, «халыққа өмірдегі ащы шындықты әзілмен астарлап жеткізу сатираның мақсаты»,- дейді өнер иесі. Пышақтың жүзін қайрап отырмаса жүзі кететіндей өнерді де шыңдап отырмаса болмайтындықтан адам әрдайым ізденісте болуы керек дейтін актриса қазіргі театрға келген жас құрамадан да алатын нәрсенің бар екенін айтады. Өнерде жүрген жас буынға өзінің ақыл-кеңесін беріп, арманға жету жолда берілмей, соңына дейін жету керек дейді. Сондай-ақ, алдағы үлкен жоспарлардың бірі театрдың 25 жылдық мерейтойын республикалық деңгейде өткізу екенін айтып өтті. Жыл сайын күлкі күнінде өңірімізден шыққан театр деп қолдап, халыққа насихат жасап жүргендері үшін мәдениет үйі ұжымына басшысы Жанаберген Токинге өз ризашылығын білдірді. Театр мүшесі Ақнәзік Оразалы «Попурри» әнін шырқады. Шарада соңында Бөгетсай ауылдық мәдениет үйі құрылым бөлім басшысы Жаңаберген Токин Күлкі күнімен құттықтап, Гүлсім Қаратаеваға төл өнерімізді өрлету жолында жасап жүрген еңбегі үшін ауыл әкімінің Алғыс хаты мен ұжым атынан естелік сыйлығын табыс етті.