Ревматоидты артрит ауруы бойынша берілетін дәрілер

Ревматоидты артрит - синовиалды қабықтың үдемелі қабынуынан шеміршектің бұзылуы және буын сүйектерінің мүжілуі түрінде буындардың зақымдануы арқылы көрініс беретін дәнекер тіннің жүйелі сырқаты.Ревматоидты артрит бүкіл әлемде кең таралған, сонымен қатар науқастардың арасында әйелдер ер адамдарға қарағанда 2-3 есе көп. Буындардың ауырсынуын және ісінуін(қолдың, аяқтың, тізенің), буындардың қозғалуының шектелуін, зақымданған буындардың әрең қозғалуы және ауырсынуын, қызба, буынға жақын тері астындағы қатты төмпешіктердің пайда болуы (ревматоидтық түйіндер) белгілерін байқаған болсаңыз, медициналық көмекке жүгініңіз. Дәрігер диагнозды нақтылағаннан кейін, диспансерлік есепке алып тегін дәрілермен қамтамасыз етіледі.