Ақмола облысында мердігердің кесірінен мектеп оқушылары орманшылар үйінде оқып жатыр
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Ақмола облысында мердігердің кесірінен мектеп оқушылары орманшылар үйінде оқып жатыр. Себебі, құрылыс компаниясы бастаған жұмысты орта жолда қалдырған. Сондықтан білім ошағының басшылығы қорықшылардың бөлмелерін кабинет қылып жасақтапты. Бірақ ұл-қыздар тар жерге симай қиналады дейді дейді ұстаздар. Құрылысына 1 миллиард теңге бөлінген жаңа мектеп қашан пайдалануға беріледі? Қазір құрылыс жұмыстары жүргізіліп жатыр ма? Өңірдегі әріптесім Айгүл Мырзағалиқызы біліп келді. АЙГҮЛ МЫРЗАҒАЛИҚЫЗЫ, тілші: - Бұланды ауылының оқушылары бес жылдан бері дәл осы орманшылар үйінде білім алып жүр. Тар кабинетте қысылып отыратын ұл-қыздарға бұл нысанда жағдай жасалмаған дейді тұрғындар. Сондықтан ұстаздар мен балалар жаңа мектепке көшетін күнді асыға күтеді. "Бурабай" ұлттық табиғи паркіне тиесілі ғимаратта 8 бөлме мен акт залы бар. Қорықшылар жұмыс істейтін орындар қазір кабинетке айналыпты. Сабаққа қажетті тақта, парта мен проектор қойылған. Мұнда 11 сыныптың 60 баласы екі ауысыммен оқиды. Ал ата-аналар ұл-қыздарымызды алыс ауылдарға тасымау үшін мектеп директорының шешіміне қарсы шықпадық деп отыр. МАЙРА ҚОШАНОВА, Бұланды ауылының тұрғыны: - Бізді Макинка ма бір жерге апарамыз деді. Біз келіспедік. Осында оқытамыз дедік. Бәлен жыл оқыттық қой, енді 2 айға шыдаймыз деп. Енді не?! Ұстаздар бұл нысанда кабинет жетіспейтінін жасырмайды. Соған қарамастан сапалы білім беруге тырысып жатырмыз дейді педагогтар. Ең қызығы, орманшылар үйіне инспекторлар жиналыс өткізу үшін келеді екен. СӘУЛЕШ ДОЛИҚЫЗЫ, мектеп директорының орынбасары: - Әрине қиындықтар бар. Дене шынықтыру сабағы немесе кабинеттің жетіспеушілігі. Қарашаның бірінде жаңа ғимаратты бізге пайдалануға беру керек. Соны күтіп отырмыз. Ал, жаңа мектеп құрылысына 1 миллиард теңге қаражат бөлінген екен. Бірақ төрт жыл бұрын бастаған жұмысты мердігер орта жолдан тоқтатыпты. РИЗА ЖҮНІСОВ, Ақмола облысы құрылыс басқармасының бас маманы: - 2024 жылы «Ерқанат сервис» ескі мердігер ақшаны игере алмай, жұмыстарын бітіре алмағаны үшін құрылыс басқармасы шартты ажыратып, жаңа мердігермен шартқа отырдық. ТОО «ДЕЛОФБК» биыл жылдың аяғында осы мектепті тапсыратын болады. Расыменде, мектепте құрылыс жұмыстары жанданған. Мердігер компанияның өкілдері бірнеше айдан кейін білім ошағын пайдалануға беруді жоспарлапты. -------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
