«Гүл құрылысы. Тозаңдану түрлері. Қосарлы ұрықтану».

Қашықтықтан көктемгі оқу сессиясының жоспарына сәйкес “Е.Шаханов атындағы тірек мектебі” (РО) КММ-нің шағын жинақты мектептеріне арналған биология пәнінен сабақ 2025 жылғы сәуір айында Zoom платформасы арқылы өткізілді. Сабақты биология пәнінің мұғалімі Сапаров Айдар Маратұлы жүргізді. Тақырыбы: «Гүл құрылысы. Тозаңдану түрлері. Қосарлы ұрықтану». Сабақ барысында оқушылар гүлдің құрылысымен, тозаңдану мен ұрықтанудың түрлерімен танысып, жеке, жұптық және топтық форматтағы тапсырмалар орындады. Оқу мақсатына сай интерактивті әдіс-тәсілдер, соның ішінде «Жұптас, бөліс, топтас», «Сәйкестендіру», «Постер қорғау» және PISA тапсырмалары қолданылды. Оқушылардың белсенділігі жоғары болып, тақырыпқа үлкен қызығушылық танытты. Сабақ барысында цифрлық ресурстар мен бейнематериалдар тиімді қолданылып, оқушылармен кері байланыс орнатылды. Сабақ жоғары деңгейде өтті және білім алушылардың пәнге деген танымдық қызығушылығын арттырды.