СҰРА. Осымен айтпақ болған ойымды айтып біттім, сондықтан бұл ақиқатты қайдан алдың? деп сұрақ қоюларыңа болады. Ақиқатты қайдан алдың? деген сұраққа, Заратуштра, Моэсей, Авраам, Иссус, Мухаммад, Будда жауапты қалай бергенін жақсы білесіңдер. Осылардың барлығы, Маздасын, Иговасын, Аллағын, Брахманын меңзеп, «сөйлестік» кітап берді деген. Білем, менен де соны күтсеңдер, менің олай айтуға қауқарым жетпейді, себебі ТаңІрлік Құдайды көргенім жоқ, әрі білуім бойынша Құдайды көріп сөйлеспек түгілі, оны іздеп табам деп айтудың өзі қиялдан туған қиял. Қазақ түсінігінде «адам, құдайдан бір жас кіші» деген тұжырым бар, осы қысқа әрі нұсқа сөзімен, адамды құдайдан бір жас кіші жасап ұлт құндылығын асқақтатып, ақиқатты тұрақтандырған. Құдай мен адамның жасын білгеніне қарағанда, дүниенің жаратылуы жайлы ұлы ілімді, қазақ құдайдың өзінен алса керек. Қазақ ұлтының бойындағы атадан балаға жеткен шежірелік ақпараттың бастауы ықылым заманнан басталып, бүгінге жеткендігін ішкім теріске шығара алмайды. Шежірелік ақпарат ақта сақтаулы, ояту парыз. Шежірелік ақпаратты ұрпақтың көкейінде оятатын, ол –Аруақ. Қазақ, Аруақпен тіл қатыса алғаны үшін, ешкімнің алдында кінәлі емес. Аруақ білген ақиқатты қазақ біледі, себебі ол - ден. Аруақ пен адам егіз, ешқандай күмәнің болмасын. Аруақ бар, тірі екеніндігіне сену, сенбеу, әр кімнің өз шаруасы. Аруақты жоқ деу, аруақты білмейтіндердің жабайы түсінігі. Аруақ өлмейді, шежірелік ақпарат өлмейді, адам өлмейді. Біздің өлді деп жүргендеріміздің, бәрі тірі. Қазақ өмірдің өлшемін «тудым-тудым» деп нақтап, қайтыс болған адамның Аруақ, ұрпағын қорғап, шежіре тазалығын сақтатып, жүйелерді жүйелетіп, ұрпағы арқылы қайтадан өмірге келіп адам болып туатынына кәміл сенеді. Аруақ – ақиқат, мәңгілік шежірелік ақпараттың иесі, заң, ден. Мен Ақиқатты – Аруағымның айтуымен жаздым. Сенбейсің, сенбесең сенбе, ақиқат басыңа қонсын, айтарым осы. Шаруа тәмәм, сөз бітті. "АҚИҚАТ" атты кітабымнан. Авторлық құқықтардың барлығы заңдастырылған, кітапта жазылған деректерді пайдаланғанда автор дәлелдеген дәлелдерге жүгіну міндетті.14419
