"YOUTH POWER-UVURKHANGAI 2025" ГУРАВ дахь жилдээ амжилттай зохион байгуулагдлаа.

Өвөрхангай аймгийн Хархорин суманд “Youth Power in Uvurkhangai” байгальд ээлтэй залуусын чуулган гурав дахь жилдээ амжилттай зохион байгуулагдлаа. Уг чуулганд Өвөрхангай аймгийн 17 сумын 72 манлайлагч сурагч оролцож, өөрсдийн дуу хоолой, нэгдмэл үнэт зүйлсээ хэлэлцэн, тунхаг бичгээ баталж шийдвэр гаргах түвшнийхэнд гардуулан өгчээ. Энэхүү чуулганыг санаачлан амжилттай зохион байгуулж чадсан TeenХуралдай чуулганы оролцогчид болох И. Нацагдорж, М.Уранчимэг, Ц. Гэрэлсүрэн, Б. Саруулзаяа, Н. Тайванжаргал болон бусад чиглүүлэгч сайн дурын залуустаа баярлалаа, баяр хүргэе.