Күріштің жаңа сорты -«Сыр Сұлу». Ы.Жақаев атындағы Қазақ күріш шаруашылығы ҒЗИ-ң жетістігі.

Ы.Жақаев атындағы Қазақ күріш шаруашылығы ғылыми-зерттеу институтының басқарма төрағасы Тәуіпбаев Сұлтанбек мырза жаңа «Сыр Сұлу» атты күріш сортын өндіріске енгізу жұмыстарымен айналысып жатқанын айтты. Ол аталған сорттың артықшылықтарына тоқтала отырып, органикалық талаптарға сәйкес отандық «Фосфобацирин» препаратымен тұқым өңдеу жүргізілгенін ерекше атап өтті. Сондай-ақ биологиялық тыңайтқыштың қызметі мен оның өзге баламалы препараттарға қарағанда тиімділігін де түсіндірді. Институттың бас агрономы Кариев Жәнібек мырза су тапшылығы жағдайында және гербицидтерден кейінгі стрессті азайту мақсатында үстеп қоректендіру ретінде «Необацирин» препаратын қолданғанын, оның нәтижесіне толықтай риза болғанын жеткізді. Бұдан бөлек, ғылыми-зерттеу институты күріш дақылынан басқа, жоңышқа егістігінде де «Фитобацирин» және «Ризовит-АКС» кешенді биопрепараттарын қолданып, оң нәтижелерге қол жеткізген.