"ЖЕР ЖӘННАТЫ - ЖЕТІСУ" деректі фильмі / РТРК.KZ ұсынады

Алматы облысы әсем табиғатымен, адамға жайлы климатымен мақтана алатын өңірдің бірі. Шыбық шаншысаң шынарға айналатын Жетісу жерінде бағбандықтан малшылыққа дейінгі шаруашылық түрі түгелдей дамыған. Суы мен нуы қалың өлке ежелден бері адамзаттың құтты қонысы. Табиғат ландшафтарымен астас тарихи-мәдени мұраларға бай облыс Тәуелсіздік жылдары жүзеге асқан талай жетістігіміздің куәсі. Егемен еліміздің өткенін түгендеп, бүгінін қалыптауға тер төккен талай жақсы мен жайсаңның кіндік қаны тамған жер.