VIDEO
УЕПГ-ын Олон нийттэй харилцах албаны мэргэжилтэн Б.Будхүү Говь-Алтай аймгийн прокурорын газрын хяналтын прокурор Х.Гүнжидмаатай “Эцэг, эх асран хамгаалагчид хүүхдээ тэжээн тэтгэх үүрэгтэй” сэдвээр ярилцлаа. Хүүхдийн эрхийн тухай хуулиар хүүхэд эсэн мэнд амьдрах, хөгжих, хамгаалуулах, нийгмийн амьдралд оролцох эрхтэй. Зөрчлийн тухай хуулийн 6.20 дугаар зүйл : Эцэг эх, асран хамгаалагч, харгалзан дэмжигч, эсхүл хуулиар асран хамгаалах үүрэг хүлээсэн хүн, хуулийн этгээд: 1.1. хүүхдийг хувцас, хоол хүнс, орон байраар зориуд гачигдуулсан; 1.2. хүүхдэд эрүүл ахуйн шаардлагад нийцээгүй хоол хүнсний зүйлийг хэрэглүүлсэн; 1.3. хүүхдийг дархлаажуулалтад хамруулах үүргээ биелүүлээгүй; 1.4. хуулиар хүлээсэн асран хамгаалах, тэжээн тэтгэх үүргээ биелүүлээгүй нь эрүүгийн хариуцлага хүлээлгэхээргүй бол хүнийг 200.000 төгрөгөөр, хуулийн этгээдийг 2.000.000 төгрөгөөр торгоно. Хүүхдийн эрх зөрчигдөж байгаа талаар мэдэж байгаа хүн бүр хуульд заасан журмын дагуу төрийн байгууллагад мэдээлэх, гомдол, хүсэлт гаргах эрхтэй.
