Жанар Қожагазина - Қара қозым.

Бұл әнді алғаш рет оқушы кезімде шырқаған болатынмын. Студеттік шағымда да осы ән көпшіліктің жүрегіне жетіп, халықтан жиі орындауым сұралатын. Осыдан біраз жыл бұрын авторы Ғани Нурмаханбетов ағамыздан рұқсатын алып, әнді жаздырдық. Қара қозым әні… Араға қанша жыл салып, кішкентай Димаш есімді балапанның ата-анасы осы Қара-Қозым әніне деген жылы ықыластарын білдіріп, бейнебаян түсіруді ұсынды. Бейнебаянның басты кейіпкері осы Димаш, “ерекше” туылған болмысымен дараланатын ерекше бала. Димашты ілгері қарай алып келе жатқан қайсар ата-анасы балапанның болашағынан биік үміттер күтеді. Шындығында, ата-ана үшін баланың орны дүниедегі ешбір жақұтпен алмастырылмайтын қымбат байлық! Димаш секілді “Ерекше жаратылған” балалардың бәрі мына жарық өмірге өз қиындықтарының шешімін табу үшін келеді. Сондықтан да, баласы үшін қолынан келген барлық амалдарды байқап, әрекет еткен кез-келген ана дұғасының түбінде қабыл болатыны даусыз! Баланың желкені де, іргесі де анасы. Бауыр еті баласының жолында шыр-пыр болатын ана үшін мына әлемді қопару да түк емес! Себебі, ана мейірімі теңізден терең, таудан биік. Мейірім деген қасиеттің қаншалықты мықты екендігі осыған дәләл болса керек. Қара қозым!