25 ҚАЗАН - РЕСПУБЛИКА КҮНІНЕ АРНАЛҒАН МЕРЕКЕЛІК ШАРА

25 қазан - Республика күніне арналған мерекелік концерт мектептің өнерлі оқушыларының ұйымдастыруымен жоғары деңгейде өтті. Концерт барысында оқушылар ән айтып, би билеп, көрермендерге мерекелік көңіл-күй сыйлады. Шара барысында бірқатар ұстаздар ерекше марапатталды. Директордың оқу ісі жөніндегі орынбасары Талғат Қаймолдин мен директордың тәрбие ісі жөніндегі орынбасары Мураталиева Индираға Д.Қонаев атындағы халықаралық қоры атынан "Мерей" төсбелгілері табысталды. Сонымен қатар, су тасқыны кезінде көмек көрсеткен ер азаматтар оқу-ағарту министрі Ғани Бейсембаевтың алғыс хатына ие болып, 50 000 теңге көлемінде сертификаттармен марапатталды. Оған қоса, өткен жылдың қорытындысы бойынша жақсы жұмыс атқарған сынып жетекшілері де марапатқа ие болды. Бұл марапаттар ұстаздардың қажырлы еңбегіне деген құрмет пен алғыс белгісі ретінде берілді.