“Тоза ҳудуд” давлат унитар корхонасининг расмий баёноти

РАСМИЙ МУНОСАБАТ “Тоза ҳудуд” давлат унитар корхонасининг расмий баёноти Яқинда “Ҳақиқат йўллари” ютуб канали админи Гулшода Саидқулова томонидан “Туман ҳокимлигига савол бор” номли видеомурожаат тарқатилди. Унда фуқаро Бухоро вилояти Олот туманида яшовчи Саидқулова хоним туман “Тоза ҳудуд” корхонаси фаолиятидан норозилик билдириб, маиший чиқиндиларни чиқармаслигини ва чиқинди учун тўлов олиб ташланишини сўраган. Шу муносабат билан қуйидагиларни маълум қиламиз: Ўзбекистон Республикаси Вазирлар Маҳкамасининг 2019 йил 6 февралдаги 99-сон қарорига асосан, аҳоли ва хўжалик субъектларига маиший чиқиндиларни йиғиш, ташиш ва қайта ишлаш хизматларини кўрсатиш мажбурий ҳисобланади. Ушбу қарорга мувофиқ, ҳар бир хонадон “Тоза ҳудуд” ДУК билан тузилган оммавий оферта (шартнома) асосида хизматдан фойдаланувчи ҳисобланади ва белгиланган тартибда хизмат тўловларини амалга ошириши лозим. Маиший чиқиндиларни йиғиш ва уларни белгиланган жойларга етказиш – фуқаролар саломатлиги, санитария ҳамда экологик ҳолатни барқарор сақлашда муҳим омилдир. Бу хизматлардан воз кечиш ёки тўловларни рад этиш нафақат шахсий, балки жамоат манфаатларига ҳам зарар етказиши мумкин. Шу боис, барча фуқароларни чиқинди хизматларидан фойдаланиш ва тўловларни ўз вақтида амалга оширишга чақирамиз. Ободлик – аввало кўнгилдан бошланади. Табиатга эътибор – оиламизга эътибор! Келинг, биргаликда экологик ва қалбан пок бўлайлик!