Ш.Батсүх/ХХААХҮЯ уургийн хаан царгасын үр үйлдвэрлэлд онцгой анхаарах хэрэгтэй байна/

Хаврын тариалалттай холбоотой малын тэжээлийн асуудалд анхаарал хандуулж тэр дундаа малчид яагаад царгас тариалах шаардлагатай талаар царгас судлаач, Монгол Улсын гавьяат агрономич, ХАА-н ухааны доктор Ш.Батсүх гуайг зочноор урин ярилцлаа. Агрономичийн ажил амьдралынхаа 40 гаруй жилийг царгас судлал, хөгжүүлэлтэд зориулж яваа тэрбээр уургийн хаан гэгддэг царгасын тариалалтыг нэмэгдүүлэхийн тулд төрийн бодлогын түвшинд юу хийх ёстой, малчид царгас тариалах бол юунд анхаарах талаар үнэтэй зөвлөгөө өглөө. Зочин маань царгасын бусад тэжээлийн таримлаас ялгарах давуу тал, найрлага, царгас тариалахын ач холбогдол, баталгаатай үрийг хэрхэн олох, тариалалт, арчилгаа, усалгаа, хураалтын технологийн онцлогийн талаар маш чухал зүйлсийг онцлон ярилаа.