Бұл видеодағы локация - жай ғимарат емес

Біздің рилс сериямыздың алдыңғы бөлімдерінде - Q4 Tulpar компаниясының алғашқы қадамдары, қалай құрылғаны жайлы айтқан болатынбыз. Бүгін сол тарихты әрі қарай жалғастырайық. Бұл видеодағы локация - жай ғимарат емес. Біздің компанияның қалыптасу тарихындағы маңызды кезеңдердің куәгері болған дәл осы видеодағы ғимарат. На Зелёномдағы паркинг - біздің бастауымыз болса, одан әрі командаммен өсудің жаңа кезеңіне өттік. Кез келген өмірлік тарау жабылғанда, жаңа кезеңге өткенде - артта әңгіме қалдырмай, ешкімге ренжіп, ешкіммен жүз көрісуден қашпай, қайта кезіккенде хал-жағдай сұраса алатындай деңгейде кету керек. Бизнес - тек ақша емес, қарым-қатынас мәдениеті. 2020 жыл. Пандемия. Әлем тоқтады. Көптеген компаниялар жабылды. Бизнес иелері жұмыссыз қалды. Ал біз дәл осы кезде тәуекел еттік. Осы үлкен ғимаратта жаңа қадамға бардық. Видеода көріп отырған автосалонның бір бөлігінде ұйықтап, жаңа жоспарлар жазып, болашақ команда туралы ойландым. Сол кабинет - менің кеңсем ғана емес, сенім ордам болды. Дәл осы кабинетте “команда”, “сенім”, “жол” деген ұғымдар өз мәнін тапты. Бүгін артқа қарасам сол кезде арман болған нәрселердің бәрі орындалыпты. Үлкен тек өзімізге арналған автосалон, сервис центр, мықты команда мен шетелдік серіктестер. Пандемия мені тоқтатпады. Керісінше, шыңдады. Сол қиын күндер менің арманымды нақты мақсатқа айналдырды. Сол үшін мен әрқашан айтамын: “Армандаудан қорықпа. Сенуден шаршама. Егер жүрегіңде сенім болса - қараңғы түн де жарыққа айналады”. Ал менің осы жолда не өткергенім, қандай құралдар көмектескені, санам қалай өзгергені, осының бәрі алда шығатын “Миллион қарыздан — миллиард табысқа” кітабымда жаздым. Бұйырса, жақында қолдарыңызға жетеді!