Хаппыт маска олорор суор кэбиһиилээх оту кэтиир-маныыр. Арааһа суор бүгүҥҥү аһылыгын булла... Улахан... Онон, доҕоттору ыҥырыахха диэн соҕотохтуу кыланна. Хаппыт мас лабаа дуома хара суордарынан туолла. Кэтэһэн-манаһан олорбуттара, "астара" хамсаабытыгар суордар төбөлөрүн соһуйбуттуу эргичитэн ыллылар. Кэбиһиилээх от иһиттэн оҕо тахсан кэлбитигэр бары хоргуппуттуу даа5ыр5аат көтөн тахсыбыттара. Оҕо барахсан кэбиһиилээх оттон тахсан кэлэн алаарыйа тыкпыт күн сардаҥаларынан суунан үтүө күнү көрүстэ. Ол күлбүт күн күлүмэ кырачаан уол бэдиги сырдыкка, кэрэҕэ, үрдүккэ ыҥырардыы, угуйардыы өссө күүскэ чаҕылытта. Кыраттан ымыттыбат Кылаан, кытаанахтан тымтыбат Кындыл кыырай халлааҥҥа көтөр Хомпоруун Хотой буолан үрдүккэ дьулуста, чыпчаалга дабайда.
