Атыраудағы ашық туберкулезге шалдыққан балалар енді қайда білім алады?

Арнаға тіркел / Подпишись на канал:    / @thesevennews   «Мектеп жабылмасын!». Атырауда бір топ ата-ана мен мекеме қызметкерлері осылай деп, шу шығарды. Олар күрделі жөндеуден өткен оқу ордасының жабылмауын қалайды. «Өйткені ашық туберкулезге шалдыққан ұл-қыздарды өзге мектепке тасу қиын, әрі ауру басқа балаларға жұға ма», - деп қорқады. Айкөркем Амангелдиеваның үш баласы дәл осы мектеп-интернатта білім алып келген. «Алайда үш жыл бұрын білім ордасы күрделі жөндеуге жабылып, ұл-қыздарымыз амалсыз жан-жаққа тарыдай шашылып кетті», - деп отыр. Енді жаңа оқу жылы қарсаңында балаларының өзге мектептерде оқитынын естіген ата-аналар аң-таң. АЙКӨРКЕМ АМАНГЕЛДИЕВА - ОҚУШЫНЫҢ АНАСЫ: Осы мектеп-интернатын күтіп жүргеніме 3 жыл болды. Бізді қабылдамай жатыр. Өйткені жабылады деген сыбыс бар. Өтініш, бұл мектепті жаппаңыздар. Біз баламызды тастайтын жер болмаған соң, мектеп-интернатқа тапсырамыз. Бұл жер жабылса баратын жеріміз жоқ. Кәдімгі мектепке қоспайды, учетта тұрғандарын біледі. Ата-аналардан бөлек, бұл жаңалық мұндағы мұғалімдердің де төбесінен жай түсіргендей болды. Өйткені жетпістен аса педагог жұмыссыз қаламыз ба деп қорқады. АЙГҮЛ ДҮЙСЕНҒАЛИЕВА – МЕКТЕП-ИНТЕРНАТЫНЫҢ ҚЫЗМЕТКЕРІ: Күні кеше жөндеуден өткен мекемеде жұмысымызды жалғастырғымыз келеді. Біз үш жыл бойына №8 балабақшада оқып келдік. Ол жақ бізге сәйкес келмейді. Оқу жылы басталды, біздер қайда барамыз?! Жанайқайымыз осы. Білім басқармасындағылар директордың міндетін атқарушыға: «Бала қабылдамай тұра тұрыңдар», - депті. Ал білім бөлімінің өкілдері даурығуға негіз жоқ. Ұстаздар өзге білім беру ұйымдарында жұмыстарын жалғастыра береді деп отыр. «Ашық туберкулезге шалдыққан 16 бала үшін үлкен мектепті ұстау экономикалық тұрғыдан тиімсіз», - дейді жауапты мамандар. МАРАТ ӘБУОВ - ОБЛЫСТЫҚ БІЛІМ БЕРУ БАСҚАРМАСЫНЫҢ БАСШЫСЫ: Үлкен мектепті тек 16 бала үшін ұстау экономикалық тұрғыдан тиімсіз. Сол себепті облыстық білім беру басқармасы бұл мектепті өзге ғимараты жоқ мектептерге беру мәселесін қарастыруда. Қазіргі уақытта ол толықтай пысықталады. 1 қыркүйекке дейін нақты шешімі шығады. Ал жұмыстан қудалау деген жоқ, қазір өзге жаққа орналастыру жағын қарап жатырмыз. Бірақ ата-аналар мен мектеп қызметкерлерін тиісті мамандардың бұл сөзі жұбата қойған жоқ. Сондықтан олар талабымызды Білім және ғылым министрлігіне жеткіземіз деп тарқасты. --------------------------------------------- Официальный сайт «Седьмого канала»
Instagram:   / tv7_kz   TikTok:   / tv7_kz   Facebook:   / tv7kz   Telegram:
#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал