Алматыда бір отбасын қырып кеткен өзбек азаматына қатысты іске соңғы нүкте қойылды.

Бүгін Алматыда бір отбасын қырып кеткен өзбек азаматы мен оның сыбайластарына қатысты іске соңғы нүкте қойылды. Сотталушылардың жақындарының шағымы негізінде қайта қаралған аппеляциялық сот аудандық соттың шешімін күшінде қалдырды. Атышулы қылмыстық істің қатысушыларын Бостандық ауданындағы аса ауыр қылмыстық істерді қарайтын сот, өмір бойғы жазаға кескен болатын. Алматылық Ержан Сатыбалдының жан жары - Нұргүлінен, бауыры - Ермұраттан, қос ұлы - Сләмнұры мен Сырымынан қапыда көз жазып қалғанына сегіз ай болыпты. Бұл кадрлар қазір - бір ақ күнде, айналасы бір жарым сағаттың ішінде жанұясынан айырылып қалған азаматтың жұбанышына айналған. ЕРЖАН САТЫБАЛДЫ, Жәбірленуші: Өзім куә болдым бәріне. Мына жерде екі бала жатыр. Су толтырған да екеуін ваннаның ішіне батырып кеткен. Сүйікті жары Нұргүлдің ол кезде аяғы да ауыр болған. Өткен жылдың жазында қолдары қалтырамай, қос бүлдіршінді қылғындырып, кәмелетке толмаған жігітті буындырып өлтірген жауыздар, аяғы ауыр әйелді де аямаған. Көздері қанталаған қаскөйлер Ержанның келіншегін үтіктің шнурымен буындырып өлтірді. Азаматты бір ақ күнде үш сәбиінен, жарынан, бауырынан айырған қылмыскерлерге Бостандық аудандық соты өмір бойғы жазаға кескен еді. Алайда, сотталушылардың жақындары бұл үкіммен келіспей, қалалық сотқа аппеляциялық шағым түсірген. Балам кінәсіз, баламның кінәсі жоқ. Біреудің шаңырағын шайқап, құлағымды кесіп кетті. Анамын дейсің, ол да ана болған, ол да бала болған. Бүгінгі сотта сөз алған Бақытжан Мұқажановтың қорғаушысы, қорғауындағы азаматтың қолында қаны барын білсе де, қылмысты қасақана жасаған жоқ деп қорғаумен әлек болды. Тіпті, бір отбасын жайратып салуға дәрмені жеткен қылмыстық топ мүшесінің денсаулығы - дімкәс деп анықтама қағаз да жинаған. ЛҰХМАТ МЕРЕКЕНОВ, Судья: Қорғауымдағы Бақытжан Мұқажановтың денсаулығының нашарлығын дәлелдейтін, яғни аталған құжаттарға сәйкес, Мұқажановтың жүрегі, бауыры және бүйрек ауруларының ауыратындығын дәлелдейтін құжаттарды іс материалдарына тіркеуіңізді өтінемін. Дегенмен бұл құжаттар да Мұқажановты жазадан құтқармады. Соңғы сөз алған жәбірленуші тараптың тілегі, сотталушылардың талабына қарағанда, негіздірек шықты.