ГҮЛНАР ДӘУКЕНОВА ҚР еңбегі сіңген артисі, "Құрмет " орденінің иегері , "Үржар ауданының құрметті азаматы", "Білім беру ісінің үздігі", әнші-композитор Гүлнар Дәукенова өмірден озды деген суыт хабар жерлестеріне қатты батты. Әлі де сене алар емеспіз. Гүлнар Дәукенованы - Үржар өңірі қадір тұтады, оның таланты мен өнерін мақтан етеді, Үржар ауданын өнерімен елімізге паш етіп еді. Ауданымыздан 3 бірдей ҚР еңбегі сіңген артист шықты деп мақтанушы едік. Үш жұлдыздың бірі- Гүлнар Дәукенова киелі домбырамен халқымыздың дәстүрлі күй өнерін өркендеуіне орасан зор үлес қосқан. Өмірге отыздан аса ән әкеліпті. «Жасай бер, Қазақстаным!» атты күйі, "Мадина" атты күй-поэмасы, «Сағындым сағым жылдар», «Шыңдағы шынарым- ай», «Күрең күз», "Қайран уақыт", «Астана- байтақ» сынды әйгілі әндерімен байтақ еліміздің руханияты мен мәдениетіне өлшеусіз үлес қосып, алты алаштың мақтанышына айналды. "Сағындым сағым жылдар" атты әндер жинағы жарық көрді.... көрмегені қаншама.... . Қазіргі таңда елімізге танымал көптеген өнер жұлдыздары Гүлнардың әндері орындаса, ауданымыздың барлық өнерпаздары мен өнер ұжымдарының репертуарында Гүлнардың әндері бар берік орын алған.. Жоспары көп еді.... Өмірге әкелер әні де көп еді.... Алакөл туралы, Үржар туралы керемет ән шығарсам деп жоспарлаған-ды..... Бастады да... Өлді деуге қимаймыз. Гүлнар апай! Әрбір әніңде сезімің, мінезің, тағдырың, ойларың жатыр. Өміршең әндерің тұрғанда, қалай Сізді қалай өмірден өтті дейміз? ӨМІРІҢ ӘНГЕ АЙНАЛЫП КЕТТІ.... "САҒЫНЫШ-АЙ, САҒЫНЫШ-АЙ, СЕНІМЕН БІРГЕ ТОЛҚИДЫ ЖАНЫМ МЕНІҢ " деп жанымыз жүдеп, қабырғамыз қайысып, жүрегіміз жылап қалды.... Үржар ауданының мәдениет саласының қызметкерлері атынан, Донеділ жездемізге, Алмабек бауырымызға, барлық туған-туыстарына қайғырып көңіл айтамыз, сіздерге сабыр берсін. Алла тағала қасиетті Рамазан айында өз қамқорлығына алған екен. Жаны жәннатың төрінен орын алсын.
