ГУРВАН САЙХАНЫ ӨГЛӨӨ Оргил Алтайн уянгыг чулуунаас нь олж сонслоо Оддоо хурааж өвөртлөх Гурван сайханы нуруунд Орчлон даяхны нарыг хормойноос нь тосож золголоо Оньсого тайлж сэрэх Гурван сайханы өглөө Ийм л гэгээн тэнгэртээ мөргөхгүй гээд яах вэ Ихэр гурван хайрхандаа залбирахгүй гээд яах вэ Тэнгэр сунайх агшинг зүүднээс нь тайлж омогшлоо Тэхийн харайлт нумласан Гурван сайханы сэрвээнд Энгэр зөөлөн сэтгэлийг домгоос нь сонсож огшлоо Эхийн ерөөл шингэсэн Гурван сайханы өглөө Ийм л гэгээн тэнгэртээ мөргөхгүй гээд яах вэ Ихэр гурван хайрхандаа залбирахгүй гээд яах вэ Ширхэг ганцхан хүслээ шивнэн байж мэлмэрлээ Шил шилээ дарсан Гурван сайханы өвөрт Ширгэшгүй цагаан бодлоо шившин байж дууллаа Шижир алтан аялгуутай Гурван сайханы өглөө Ийм л гэгээн тэнгэртээ мөргөхгүй гээд яах вэ Ихэр гурван хайрхандаа залбирахгүй гээд яах вэ
