Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Хиуа – Орта Азиядағы ең ескі қалалардың бірі. Бұл шаһар – орта ғасырдағы қуатты Хорезм мемлекетінің астанасы болған. Аңыздарда бұл жерде отқа табынушылар дінінің негізін қалаған – Заратустраның дүниеге келгендігі айтылады. Хиуа дәл Хорезм сияқты Шығыстың ең ежелгі аумағы болып саналады. Оның тарихының тамыры тереңге кетеді әрі ол жайлы аңыз әңгімелер көп. Археологтар Хиуаның кем дегенде, екі жарым мың, тіпті екі мың жеті жүз жылдық тарихы бар деп есептейді. Қалада біздің заманымызға аман жеткен, мәдени маңызы зор, ерекше архитектуралық ескерткіштер жетерлік. Олардың көпшілігі – ежелгі Ичан Кала бекінісінде орналасқан. Аудармасы «Ішкі қамал» дегенді білдіреді.
