ИККИ ФАРЗАНДНИНГ, ЖАСОРАТЛИ ОНАСИ

Орамиздаги оддий одамлар! Узумлар чиройли қилиб таралган, кеч куз бўлса-да ҳали гуллар ифори тарк этмаган кичик хонадон. Олтиариқнинг “Оқбўйра“ маҳалласида яшовчи Зуҳрахон Орипова болалик чоғларида бахтсиз ҳодиса сабабли бир қўлидан айрилган. Турмуш ўртоғи икки йил совчи жўнатиб, аранг уйланган экан. У сабри ва матонати туфайли оиласига барака олиб келди. Икки фарзанд кўрди. Уларни оқ ювиб, оқ таради. Умр йўлдошига билмаганларини баҳам кўрди. “Рўзғорим бут бўлсин“ дея шу кунларда онахон кунлик ишларга чиқиб юз, икки юз минг сўм пул топиб келади. Қалбида ҳаётнинг турли ташвишлари тўла Зуҳра опа, юзида табассум қилиб одамларни очиқ чеҳра билан кутиб олади. Суҳбат давомида Зуҳра опага “100 минг доллар пулингиз бўлса нимага сарфлаган бўлар эдингиз“, деган савол бердик. Ўшанда ҳам у ўзини эмас балки ўзидан-да муҳтожларни ўйлади. Бу аёлнинг олийжаноблигига қойил қолмасликнинг иложи йўқ. Озодбек ШАРОБИДДИНОВ, «Муштум»нинг махсус мухбири ⭕️ Каналга обуна бўлинг👇👇👇