Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Өзінің бай тарихымен, мәдениетімен, әлемге әйгілі атақ даңқымен қызықтыратын ғажап та киелі өңірдің бірі Отырар ауданының құрылғанына биыл 90 жыл! Байтақ тарихы мен бақытты халқы бар, рухы мықты Отырар ауданы әсіресе тәуелсіздік жылдарында елеулі жетістіктерге қол жеткізіп, болашаққа нық қадам басып келе жатыр. Білім мен өнердің, ынтымақ пен бірліктің сарқылмас көзі болып келе жатқан қасиетті Отырар өлкесінің келешегі кемел, болашағы айқын. Отырар ауданының 90 жылдық меретойы аясында аудан орталығында «Берекелі – алтын күз» ауыл шаруашылығы мамандарының жәрмеңкесі өтті. Мерекелік жиынға келген көпшілік орталық алаңдағы ауыл шаруашылығы өнімдері мен техникаларының, қолөнер бұйымдары мен ұлттық құнды жәдігерлердің, көркемсурет және танымдық кітаптар көрмесімен танысты. Салтанатты іс-шара Отырардың тарихи тұлғаларының шеруімен басталып, ҚР Мәдениет қайраткері Хадиша Шалабаеваның орындауындағы Шәмші Қалдаяқовтың «Отырардағы той» әні көрермендерге мерекелік көңіл күй сыйлады.
