Қырғызстандағы сел кезінде ажал құшқан 4 баланың мәйіті Қазақстанға жеткізіліп жерленді
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Бүгінгі шығарылымда: Қырғызстандағы жойқын сел кезінде ажал құшқан төрт баланың мәйіті Қазақстанға әкелінді. Қаршадай екі қыз бен екі ұлдың денесі Өскеменге арнайы бортпен жеткізіліп, жерленді. Марқұмның барлығы да Шығыс Қазақстан облысынан және өзара туыс жанұялардың балалары екен. Ал облыстық әкімдік өкілдерінің айтуынша, қайтыс болғандардың ең кішісі 7-де, ал ең үлкені небәрі 10 жаста болған. Көрші мемлекеттегі апатта опат болған қаршадай балалардың денесі бүгін елімізге жеткізілді. Ұшақпен Өскеменге әкелінген табыттар жедел жәрдем көліктеріне салынып, жерлеу рәсімін өткізу үшін жақындарына берілді. Қапыда көз жұмған балаларды ақтық сапарға шығарып салу рәсімі қаладағы мешітте өтіп, оған туыстары да қатысты. Жүрегі қан жылаған жақындарының көз жасын көрудің өзі ауыр. ТАЛҒАТ МҰХАММЕДҚАЛИЕВ, марқұмдардың туысы: – Ашхановтардың отбасында өте қайғылы жағдай болды. Осы қайғылы жағдайды естігенде өзіміз басында сенбедік те. Мынандай кішкентай балалар. Басында 10 кісі деген, 10 кісінің барлығы бір отбасының балалары екені белгілі болды. Облыстық әкімдік мәліметінше, мерт болған балалар оқиға күні Қырғызстанға аналарымен еріп, туыстарына қонаққа барған. Онда олар 10 адам болып, Абшыр-Ата ауылындағы сарқырамаға келген екен. Бірақ 28 маусымда толассыз жаңбырдан су арнасы толып, артынша лай аралас топырақ көшкен. Сол күні мерт болғандар арасында 2 қазақстандықтың бары мәлім болды. Кейін бастапқыда хабар-ошарсыз жоғалды деп саналған 2 баланың мәйіті табылып, Сыртқы істер министрлігі оқиға салдарынан жалпы 4 отандасымыздың көз жұмғанын хабарлады. СӘУЛЕ АЛАГӨЗОВА, Өскемен қалалық білім бөлімінің басшысы: – Біз соңына дейін балаларымыз аман табылады деп қатты үміттендік. Өйткені іздестіру жұмысы ұзақ жүрді. Өкінішке қарай қаралы хабар естідік. Орны толмас қаза. Бір сәтте 2 отбасы бауыр етінен айырылып отыр. Бізге де ауыр. Төртеуі де біздің оқушымыз еді. Балалардың мәйітін елімізге Төтенше жағдайлар министрлігінің қызметкерлері жеткізді. Ведомство өкілдерінің сөзінше, оларға осы және Қырғызстанға 2,7 тонна азық-түлік түрінде гуманитарлық көмекті жеткізу бойынша ғана жауапкершілік жүктелген. Сондықтан құтқару жұмысына араласпаған. Соңғы дерекке сүйенсек, Қырғызстанның Ош облысындағы тасқын салдарынан көз жұмғандардың жалпы саны 14-ке жетті. Олардың көбі бір-біріне туыс жандар. Қаза тапқанның дені – жасөспірім жастағы балалар. Ең кішкентайы 2 жаста. Қазір апат болған аймақта төтенше жағдай жарияланған. Сел салдары Қырғызстанның басқа елді мекендеріне де залал келтірді. Айта кетейік, кей дереккөздерінде "Премьер-министр Ақылбек Жапаров су ағынының күшейіп, тасқынға ұласуына биік көпір салған компанияны кінәлады" деген ақпарат тарап жатыр. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
