Жаңақалада облыстық турнир

2019 жылдың 10-12 мамыр күндері Жаңақала мектеп – гимназиясының спорт залында Қарағойшин Думан Кенжебайұлының және «Айлин» шаруа қожалығының ұйымдастыруымен Батыс Қазақстан облысы, Жаңақала ауданы, Жаңақазан ауылының тумасы І және ІІ дәрежелі Даңқ орденінің иегері, генерал лейтенант Сапаров Оқас Базарғалиұлының жүлдесіне арналған еркін күрестен жасөспірімдер арасындағы облыстық ашық турнир өткізілді. Облыстық ашық турнирге 20 командадан, 300-ден астам палуан қатысты. 1. РФ Шешенстан Республикасы; 2. РФ Дағыстан Республикасы; 3. РФ Чувашия Республикасы; 4. РФ Астрахань қаласы; 5. РФ Самара қаласы; 6. РФ Ульяновск қаласы; 7. ҚР Түркістан облысы; 8. ҚР Маңғыстау облысы; 9. ҚР Ақтөбе облысы; 10. ҚР Атырау облысы; 11. ҚРАтырау облысы, Құлсары қаласы; 12. ҚР Атырау облысы, Индер ауданы; 13. ҚР БҚО Орал қаласы; 14. ҚР БҚО Ақжайық ауданы; 15. ҚР БҚО Бөрлі ауданы; 16. ҚР БҚО Казталов ауданы; 17. ҚР БҚО Сырым ауданы; 18. ҚР БҚО Шыңғырлау ауданы; 19. ҚР БҚО Жаңақала ауданы; 20. ҚР БҚО Жаңақала ауданы, Жаңақазан ауылы; Турнирдің ашылу салтанатында құттықтау сөз алған Қазақстан Республикасының Парламенті Мәжілісінің депутаты Өтемісов Шафхат Әнесұлы, Сапаров Оқас Базарғалиұлының әкесі Базарғали атамыз, аудан әкімі Қарағойшин Наурызбай Қадырбайұлы жас палуандарға сәттілік тілеп, әдемі күрес көрсетіп, мықтылар жеңіске жетулерін тіледі. 12 мамыр күні І және ІІ дәрежелі Даңқ орденінің иегері, генерал лейтенант Сапаров Оқас Базарғалиұлының жүлдесіне арналған еркін күрестен жасөспірімдер арасындағы облыстық ашық турнир өз мәресіне жетті, аудан әкімі Қарағойшин Наурызбай Қадырбайұлы облыстық ашық турнирді ұйымдастырып, демеушілік көмек көрсетіп, қолдау білдірген Қарағойшин Думан Кенжебайұлына және «Айлин» шаруа қожалығына алғыс хат табыс етіп және 5 палуанға 2019 жылдың 3-17 шілде күндері аралығында Көкшетау қаласына «Олимпиец» сауықтыру орталығына жолдама табыс етті. Облыстық ашық турнирдің жеңімпаздары мен жүлдегерлері Қарағойшин Думан Кенжебайұлының және «Айлин» шаруа қожалығының атынан тиісті дәрежелі дипломдармен, медальдармен, номинациялармен және бағалы сыйлықтармен марапатталды.