Қазақ киносының «Майқанова апайы» өмірден озды (05.11.19)

Бүгін шоқтығы биік тума талант, кино және театр актрисасы Раиса Мұхамедиярова 80 жасында қайтыс болды, деп хабарлайды Almaty.tv тілшісі. Қазақтың халық жазушысы Ғабит Мүсіреповтің жары болған Раиса Мәжитқызы ақтық демі үзілгенше, өмірі мен өнеріне адал болып өткен дейді замандастары. Көркіне көз тоймайтын, әртістік шеберлігімен талай режиссерді сөзсіз мойындатқан Раиса Мұхамедиярова 1939 жылдың 11 шілдесінде, Семей облысы, Көкпекті ауылында дүние келген. Әу баста мұғалімдікті меңгерген ол, кейіннен «Менің атым Қожа» фильмінде мұғалім Майқанованың рөлін сомдап, өнерде бағы жанады. Әйтсе де, кино әлеміндегі жолын 1961 жылы шыққан "Песня зовет" фильмінде басты рөлді сомдаудан бастаған. Өнер иесі бас-аяғы 30 шақты фильмге түскен. Ал театрдағы өнері бір төбе еді дейді көзін көрген әріптестері. подписаться на телеканал Алматы:    / almatyus.  . все новости на сайте :