Қызылордада 11 мың көрерменге арналған заманауи стадионның салтанатты ашылуы өтті

Қызылорданың сол жағалауында 11 мың көрерменге арналған заманауи стадионның салтанатты ашылуы өтті. Бұл күн – Сыр елінің ғана емес, күллі қазақ спорты тарихындағы айтулы оқиға. Ашылу рәсіміне Туризм және спорт министрі Ербол Мырзабосынов, Қазақстан футбол федерациясының президенті Марат Омаров, аймақ басшысы Нұрлыбек Нәлібаев және мыңдаған жанкүйер қатысты. Мерекелік шара аясында футболдан ел Кубогының финалы өтіп, көрермендер нағыз спорттық шоуға куә болды.