Арқалық қалалық мәдениет сарайы 15 жылдан кейін күрделі жөндеуден өтіп, есігін қайта ашты

Арқалықта қалалық Мәдениет сарайы 15 жылдан кейін облыс әкімінің қолдауымен күрделі жөндеуден өтіп, Республика күнінде жаңарған кейіпте есігін қайта ашты. Бұл — өңір мәдени өміріндегі айрықша оқиға. Заманауи талаптарға сай жөнделген мәдениет ордасы енді қала тұрғындары мен қонақтарының сүйікті демалыс және шығармашылық орнына айналмақ. Жаңарған мәдениет сарайының сахнасы мен көрермен залы толықтай жаңартылып, жарық және дыбыс жүйелері орнатылды. Мұнда енді концерттер, түрлі байқаулар мен кездесулер ұйымдастырылып, өнерпаздардың шығармашылығын дамытуға кең мүмкіндік туды. Арқалық халқы бұл жаңалықты ерекше қуанышпен қабылдап, бір жасап қалды. Осылайша, күрделі жөндеуден өткен қалалық Мәдениет сарайы өңірдің мәдени тынысын жандандырып, халықтың рухани өміріне жаңа серпін бермек. #RepublicDay #25Қазан #Декларация35жыл