Ый ахсын тэриллэн ыытыллар "Ый оһуохайа" бырайыак уочараттаах төрдүс тэрээһинэ ыытылынна. Кэлбит ыалдьыттары үгэс быһыытынан арыылаах алаадьыннан, быыппаҕынан күндүлээтибит, ситии быаҕа баҕа санааны тиһэр саламаны баайтардыбыт. Сүрүн уратыннан: Баһылай Уйбаныап үөрэ отунан ыраастаныы, алгыстаныы сиэрин-туомун ыытта. Оһуохайы таһаардылар: ытык кырдьаҕаспыт СР оһуохайга үтүөлээх этээччитэ Прасковья Мошкарова, саҥа оһуохайга холонор А.Д.Филиппов аатынан култуура тэрилтэтин үлэһитэ, СР култууратын туйгуна Вилена Ларионова, "Саһарҕа" фольклорнай бөлөх иитиллээччилэрэ Зарина Никитина, Лилиана Егорова, Нарыяна Филиппова, Сандаара Гоголева, Самира Музафарова уонна Хаарчаана Семенова.
