Градскиот воз ќе стигне следната година, откако тргна првиот тендер од 7 милиони евра

Директорот на ЈП Железници-инфраструктура, Синиша Ивановски, во интервју за „360 степени“ вели дека од следната година ќе има линија од скопско Зелениково до Железничката станица – Скопје. Планот е во следните две и пол години да проработат и линиите кон Ѓорче Петров (преку Скопје Север) и кон Миладиновци (преку Маџари) Иако има физибилити студија, нема гаранции дека ќе има доволно патници во градскиот воз, проект кој според министерот за транспорт Александар Николовски ќе чини околу 50 милиони евра. И покрај тоа, вели Ивановски, задачата е да се даде алтернативен јавен транспорт во главниот град, каде една од целите е и намалување на загадувањето во Скопје