ҮШТІК ОДАҚ: БІЛІМ САЛАСЫН ӨСІРДІ МЕ, ӨШІРДІ МЕ...?!

Еліміз егемендік алып, аяғынан тұрып, өз тағдырын өзі шеше бастағанына да 30 жылдан астам уақыт болды. Осы уақыт ішінде еліміз қандай жетістікке жетті, қоғамның дамуына ерекше әсер ететін қандай мәселелелерді шеше алды деген сұрақ әрбір, ұлтына шын жаны ашитын кез-келген жанды ойландыратыны сөзсіз. Қазіргі уақыттың басты талабы білім саласын биікке көтеру. Өйткені білімі мықты елдің ұрпағы білікті. Ал бұл тұрғыда Шымкент қаласының білім саласы біліксіздік танытып отырғаны аянышты. Әрине, Шымкенттік ұстаздарды біліксіз, ал балаларын білімсіз деуден аулақпыз. Бүгінге дейін білім саласына телеарна ұжымы бірнеше рет журналистік зерттеу жүргізіп, қала әкіміне де талай рет шағым түсірсек те, жауап жоқ?! Ал бұл жолғы зерттеуді нақты айғақ дәлелдермен келтірсек естір құлақ табылар.