Жекей руы,Жекей Ана арыстардың анасы.

Жекей Ақылында білсең пайда қыруар, Үлкендердің ақыл айтса тілін ал, Қыздан туған ұрпақ дейсің ал тыңда Жекейлердің кім екенін біліп ал! Қаракесек бірлестігі ортасында болған ел,солай міне тараған. Жарып еміп ана сүттен нәр алған, Құдай сізді қалай етіп жаратса Жекейлерде дәл сіздердей жаралған. Бұжыр баба бір бөлімі Шектінің, Жауға шапса бірі болған ептінің, Бабамыздың төккен тері теңіздей Ел есінде батырлығы тектінің. Айт, Бұжырым бір ананың баласы, Бұжырына сауыт берген бабасы, Сауыт деген жай сөз емес құлақ түр, Осыдан-ақ кім мықтысын қарашы?! Шыңғыс бабам Бұжыр ұлды таңдады, Ақ сауытын осы ұлына арнады, Көп сөйлемей тыныш қана тұрайын Түсінікті шығар енді ар жағы?! Бұжыр баба жан тапсырды, ырысым, Ер ұлдары тарылтпады тынысын, Шүренімен Назарына дулыға Ал Жекейге тапсырыпты қылышын. Жекей батыр әке жолын құлатпай, Асып-таспай бір орында тұрақтай, Келген қонақ өкінішпен қайтпаған Міне, осы Жекейлерім бұлақтай. Жекей қызы шатақ дейді түйгенім, Мінезі бар деп қояды кейде кім, Білесің бе, мен айтайын сен тыңда Шатақ қызды батырлардың сүйгенін. Түзу беріп, түзу алған кесесін, Әке тыңдап, дәл сыйлаған шешесін, Жекей қызы шатақ болса ол да өнер Ең бастысы жібермейді есесін. Жекей ұлын жуас дейді атқылап, Айтатындар білінеді нақтырақ, Жуас болса, жуас болсын, біліңдер Жуас аттың тебісі бар қаттырақ! Шежірені сақтаныңдар құртудан, Жекей десе жүрегімнен жыр туған, Жекейлерді қыздан туған дейтіндер Ал сіздерді, айтыңыздар, кім туған?! Жағымсызды құлағыма ілмедім, Жекейлердің қышытады тілдерін, Бізді туған қыз ғой шүкір, ал сізді Қыз тумаса кім туғанын білмедім?! Жекей,ана,ағыстардың,анасы #Кішіжүз #Жекей #Қаракесек #Батыр #кете    • Бөлінбейік ағайын,Ақын. Жәрдем Ақбисенов