ШҚО-да мал ұрлығымен айналысқан ұйымдасқан топ ұсталды

Шығыс Қазақстан облысында мал ұрлығымен айналысқан ұйымдасқан топ ұсталды. Барымташылар өткен жаздан бері Өскемен қаласы маңындағы ауылдардың малын ұрлағаны анықталды. Жергілікті тұрғындардың айтуынша, әбден дәніккендері өрістегі жылқы мен сиырды тапа-тал түсте атып алып кетеді. Қазір шаруашылық иелері ұрылардан сақтану үшін малын күндіз-түні күзетуге мәжбүр.